ما هو الفوركس؟ – شرح مفهوم تداول الفوركس بشكل مبسط

خليني اقولك انك بنسبة كبيرة اشتغلت في سوق الفوركس من غير ما تاخد بالك يعني لو انت روحت قبل كدا لأي صرافة وبدلت عملة فيها مقابل عملة تانية ف انت كدا شاركت في سوق الفوركس وهو دا اللي بيحصل في سوق الفوركس بس على اكبر طبعا.

فبكل بساطة الفوركس معناه تبادل العملات وكلمة فوركس هي اختصار لكلمة فورين اكستشانج ماركت يعني سوق العملات الاجنبية وهو سوق غير مركزي لان طبعا مفيش جهة معينة بتتحكم في السوق دا عكس معظم الأسواق التانية.

وسوق الفوركس هو أكبر سوق فالعالم حرفيا وبيوصل متوسط حجم التداول اليومي فيه لاكتر من ٥ تيليريون دولار انت متخيل الرقم يعني ٥ وقدامها ١٢ صفر ودا معناه انك لو جمعت حجم التداول بتاع كل بورصات العالم فبردو مش هيجي حاجة في حجم تداول الفوركس.

وطبعا انت كمتداول كل اللي عليك تعرفه انك بتداول عملة مقابل عملة زي اليورو مقابل الدولار وكل اللي عليك انك بتبدأ تحلل ازواج العملات وتعرف انهي عملة سعرها هيزيد مقابل العملة التانية علشان تبدأ تنفذ امر البيع او الشراء واحنا طبعا عارفين نظرية العرض والطلب من الفيديو اللي قبل دا فكل ما العرض بيزيد كل ما السعر بيقل وكل ما الطلب بيزيد كل ما السعر بيزيد.

وانت كمتداول محتاج بردو انك تعرف اي العملات اللي هتداول عليها واي التحليل او التحليلات اللي هتستخدمها والتوقيت اللي هتخش فيه الصفقات والفلوس اللي هتخش بيها والفلوس دي هتحطها فين وطبعا الموضوع هيبان كبير وصعب قدامك بس لما نخش في الفيديوهات اللي بعد كدا ونشرح كل حاجة بالتفصيل هتلاقي ان كل حاجة سهله جدا بالنسبالك.

وخلينا نعرف دلوقتي اي هي العملات اللي نقدر نتداول عليها في ٨ عملات اساسية في سوق الفوركس وهما الدولار الامريكي طبعا في المقدمة وبعدها اليورو والين الياباني والجنية الاسترليني والفرنك السويسري والدولار الاسترالي والدولار النيوزلاندي وطبعا لازم تعرف ان كل عمله من دول لها رمز مكون من 3 حروف.

فعلي سبيل المثال الدولار الامريكي رمزه USD واول حرفين بيكون اختصار اسم الدولة والحرف التالت اختصار اسم العملة يعني USD اختصار لـ United States Dollar والين اليباني رمزه JPY يعني Japanese Yen.

وطبعا زي ما قولنا ان علشان تشتري او تبيع عملة فلازم يكون مقابلها عملة تانية يعني زوج عملات بالتالي من ال ٨ عملات اللي ذكرناهم هيبقا عندنا 28 زوج من العملات وبما ان ٢٨ زوج كتير جدا ف انت تقدر في البداية تركز علي العملات اللي فيها الدولار الامريكي بس لان بيكون فيها حجم تداول اكبر.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Fill out this field
Fill out this field
الرجاء إدخال عنوان بريد إلكتروني صالح.
You need to agree with the terms to proceed

مشاركة

محتوى ذو صلة

القائمة