الرافعة المالية بتتقدم من خلال البروكر او شركة الوساطة اللي حضرتك بتتعامل معاها وبتخليك تقدر تتداول باضعاف رأس مالك وهي موجودة في الاساس لان حركه الاسعار بتاعة ازواج العملات بتكون بسيطه جدا بالتالي لو انت استخدمت راس مالك بدون رافعة مالية مش هتقدر تحقق أي أرباح.
يعني علي سبيل المثال لو حضرتك معاك ١٠٠٠ دولار واستثمرتها في مجال تداول الفوركس لمدة 6 شهور وحققت ربح خلال الفترة دي فخليني اقولك لو خلال الفترة دي قدرت تحقق 20 دولار ربح وانت مش بتستخدم رافعة مالية فالربح دا هيكون ٢٠٠٠ دولار لو بتستخدم رافعة مالية 100:1 فاظن ان الفرق واضح.
ودا ينقلنا للنقطة التانية وهي انواع الرافعة المالية طبعا في اكتر من نوع رافعة مالية حضرتك تقدر تحدده مع شركة الوساطة بالاضافة انك تقدر تغيره بعد كدا براحتك ومن اكتر انواع الرافعة المالية استخداما هي 50:1 و 100:1 و 200:1 و 400:1 و 500:1.
ومعني الرافعة المالية 50:1 هي انك تقدر تداول باضعاف راس مالك 50 مره وعلشان نعمل مقارنة سريعة فخلينا نقول مثلا انك عندك حسابين تداول كل حساب فيه 1000 دولار والرافعة المالية بتاعت الحساب الاول هي 100:1 والحساب التاني الرافعة المالية فيه هي 400:1 بالتالي اقصي حجم عقد ممكن يفتحه المتداول الاول هو ١ لوت واقصي حجم عقد ممكن يفتحه المتداول التاني هو ٤ لوت.
فاللي هتلاحظه هنا ان كل ما زادت الرافعة المالية زاد حجم العقد اللي تقدر تداول بيه ولو حضرتك دخلت صفقة علي الحساب الاول بلوت ١ وحققت ١٠ نقط فربحك هيكون ١٠٠ دولار ولو فتحت صفقة علي الحساب التاني بلوت ٤ وحققت١٠ نقط هيكون ربحك ٤٠٠ دولار.
وهنلاحظ هنا اللي بياثر علي قيمة النقطة هو اللوت مش الرافعة المالية يعني مهما زادت او قلت الرافعة المالية فقيمة النقطة مش هتتاثر بيها لان اللوت هو اللي بيحدد قيمة النقطة انما حجم العقد نفسه هو اللي بيتاثر بالرافعة المالية.
وفي الحساب الاول هنلاحظ نسبة المخاطرة هي 10% اما نسبة المخاطرة في الحساب التاني هي 40% ودي بقا اهم نقطة لان اهم حاجة في التداول هي ادارة راس المال وكل ما زادت الرافعة المالية زادة نسبة المخاطرة.
فلو انت متداول مش بتعرف تتحكم في راس مالك ومش هتدخل صفقات كتيرة مره واحدة بالتالي تقدر تستخدم اقل رافعة مالية اما لو انت هتقدر تدير راس مالك وتتجب المخاطر وطريقة تداولك بتحتاج حجم عقد كبير وبتحتاج تفتح عدد صفقات كبير في نفس الوقت بالتالي تقدر تزود الرافعة المالية زي ما تحب.
الرافعة المالية لحد دلوقتي في ناس محترفين في مجال التداول ومش بيكونو فاهمينها وهي بردو اكتر حاجة بيسال عليها المبتدئين في المجال فلو حاسس انك مش فاهم لسة ياريت تعيد الفيديو تاني وتحاول تفهم وطبيعي جدا لو حسيت انك مش فاهم لان كدا كدا هتفهم اكتر لما تبدأ فعلا تداول بنفسك.
https://youtu.be/hyjz1c1RyVk
