الأسئلة الشائعة
هو التداول حلال ولا حرام؟
هو الفوركس حلال ولا حرام؟
هي العملات الرقمية حلال ولا حرام؟
هي منصة كذا أو برنامج كذا حلال ولا حرام؟
مجال التداول حاجة عامة ومفيش حاجه اسمها هل مجال التداول حلال ولا حرام ، لو انت مبتدئ او سمعت عن مجال التداول أو مجال بيكسب فلوس اسمه التداول وسمعت ناس بتقول ان هو حرام أو ان هو حلال بشكل مباشر كدا فالشخص دا حاجة من اتنين ، اما انه مش فاهم حاجة أو انه نصاب وعايز يستغلك وبردو مش فاهم حاجة.
مجال التداول مجال واسع بتشتغل فيه كانك تاجر بالظبط ، فزيك زي اي تاجر لو اشتغل في تجارة أصلها حلال فمفيش اي مشكلة ، زي مثلا تجار الملابس او الموبايلات والحاجات الالكترونية عامة أو تجار الفواكه والخضار وكدا فدي طبعا تجاره حلال ، بس لو اتكلمنا مثلا على مجال زي تجارة الخمور فاكيد ده حرام ، والتداول كده بالظبط انت بتكون متداول أو تاجر عندك ادوات كتير في التداول تقدر تشتغل فيها ، سواء الاسهم او العملات او السلع او المشتقات او ايا يكن فكل حاجه من دي بردو فيها الحلال والحرام.
ومش بس كدا ، بعد كده بقى ندخل لحاجة كمان وهي الضوابط والمحاذير الشرعية ، لانك لو بتاجر مثلا زي ما قلنا في الملابس او فاتح محل بقالة أو اي تجارة عامة هي في الأصل حلال ، وحضرتك مش راعيت فيها المحاذير والضوابط الشرعية فاكيد هيبقى عليك حرمانية.
يعني لو تاجر فاتح كشك او محل وبيبيع فيه بشكل طبيعي فالتجارة دي في الأصل زي ما قولنا هي حلال ، بس لو نفترض مثلا ان هو بيبيع مع الحاجات التانية سجاير فالمفروض ان دا هيكون حرام عليه ، او ان يكون عامة في تاجر بيغش او بيخون في التجاره بتاعته ، فعلى الرغم ان في الأصل التجارة بتاعته هي حلال ، بس عدم التزامه بالضوابط والمحاذير الشرعية بيخلي فيه على الأقل جزء من التجارة بتاعته فيه حرمانية.
نفس النظام بقا طبقه في مجال التداول ، انت اشتغلت في أداة مالية في التداول أصلها حلال فانت مطلوب منك بردو انك تمشي بالضوابط والمحاذير اللي ما تخليش في حرمانية في تعاملك مع الاداه دي.
طيب دلوقتي انا عايز اشتغل في مجال التداول ومش عارف اعمل ايه او مش عارف ابدأ منين ، وكمان عايز اعرف الحاجه اللي انا هشتغل فيها حلال ولا حرام بردو ، فدا طبعا اللي هتقدر تعرفه وتفهمه من حلال مشاهدتك للفيديوهات والكورسات المجانية اللي بنقدمها واللي تفاصيلها هتكون موجودة في الأسئلة التانية.
عايز اتعلم التداول؟
عايز اشترك في التداول؟
عايز اشتغل في التداول؟
كلمة التداول كلمة عامة جدا ، ماينفعش تقول لحد انا عايز اشتغل في التداول كدا عموما لان دا ممكن يعرضك للنصب والمجال فيه نصابين كتير جداااا.
طيب الصح تعمل ايه ؟
لازم تعرف ان التداول مجال زي اي مجال في الدنيا فبالتالي لازم تتعلمه وتدرسه كويس اوى قبل ماتشتغل فيه واي حد يقولك ممكن تشتغل من غير تعليم أو تتعلم شهر مثلا وتشتغل وتكسب اعرف انه نصاب ، التداول على الاقل محتاج سنة كاملة من التعليم والتدريب والتقييم عشان تبدأ تشتغل وتحقق منه ارباح.
طب هتعمل ده ازاي ؟
أول خطوة هتعملها انك تسمع الفيديو دا: كيف تبدأ في التداول من الصفر | الدليل الشامل
بعد ماتسمع الفيديو هتعرف يعني ايه تداول وهتعرف ان التداول له أدوات مالية كتير ودي اهم حاجة لازم تركز فيها ، ولو خلصت الفيديو فالمفروض تكون قررت هتشتغل في أي اداة مالية منهم سواء فوركس او اسهم او كريبتو
احنا بقى حاليا بنوفرلك محتوى تعليمي كامل لكل الأدوات المالية اللي اتكلمنا عنها في الفيديو.
اختار الاداة اللي حضرتك حابب تتعلمها وتشتغل فيها وهتلاقي محتوى تعليمي كامل ليها على الموقع
ايه الافضل فوركس ولا اسهم ولا عملات رقمية ولا اي اداة تانية؟
اللي بيسأل السؤال دا شخص مش عايز يتعب نفسه ، محتوى الفوركس موجود قدامك ومحتوى الأسهم موجود والكريبتو موجود ، مش عارف تدخل على كل واحد منهم وتاخد فكرة وتشوف ايه المناسب ليك.
انا سهل عليا اوي اقولك أي واحد فيهم وخلاص ، بس انا هبقي بضحك عليك ، لان كل اداة مالية من ادوات التداول ليها طريقتها في الشغل وخطوات عملية معينة لازم تتعمل عشان تبدأ صح.
مثال بسيط خالص: الأسهم مثلا محتاج راس مال كبير عشان تبدأ فيه المفروض انه مايقلش عن 500 دولار ودي تعتبر أقل حاجة ، علي عكس الفوركس والكريبتو اللي ممكن تبدأ فيهم براس مال اقل شوية ، يعني ممكن تبدأ ب 200 دولار
دا مجرد مثال بسيط من حاجات كتير اوي لازم تعرفها قبل ما تختار مجال منهم
يبقى انا ماينفعش اقولك ايه الاداة الافضل لك ؛ لا انت لازم تختار لنفسك لانك ادرى واحد بظروفك.
وبرضوا عشان نسهل عليك عملنالك مقارنة تفصيلية بين الفوركس والاسهم هتساعدك في اختيار الاداة المناسبة وقريبا هيكون فيه مقارنة شاملة بين كل الادوات
هل تداول الفوركس افضل ام تداول الاسهم؟ | مقارنة تفصيلية
وسواء قررت تشتغل فوركس أو أسهم أو عملات رقمية فاحنا بنوفرلك خطة تعليمية بمحتوى متكامل متاح على اليوتيوب وعلى الموقع هنا.
اختار الأداة وسيب الباقي علينا.
ليه عاملين كورس مجاني؟
طبعا كانت اسهل حاجة ان احنا نخلي كل كورساتنا مدفوعة ونكسب اكتر وخصوصا ان عدد الناس اللي عايزين يتعلموا التداول اكتر بكتير من الناس اللي محتاجة تطوير بس ، وبالتالي كورس المبتدئين كان هيتباع اكتر بكتير بس احنا الحمد لله ماعملناش كدا.
لان انا حرام اجيب واحد مبتدئ لسه مش عارف هيكمل في المجال ولا مش هيكمل ولا عارف هل المجال مناسب له او لامكانياته أو هل عنده وقت انه يشتغل في التداول او او أو… اسئلة كتير محتاج تعرف اجابتها ، ومش هتعرفها غير لما تسمع الكورس.
فلو انت جيت اشتريت الكورس وبعد ماسمعت فيديو واتنين اكتشفت ان التداول اساسا مش مناسب ليك او ماحبتش انك تكمل لأي سبب من الأسباب ، هتعمل ايه؟ طبعا هتندم على الفلوس اللي اتدفعت وانا عارف ان ماحدش بيرضى يرجع فلوس لحد
فاحنا الحمد لله حطينالك الكورس مجاناً على اليوتيوب عشان تسمع وتقرر ولو المجال طلع مناسب ليك وقررت انك تكمل وتطور نفسك في التداول ؛ هنا بقي تقدر تشتري كورسات مدفوعة براحتك.
الكلام دا حاول تطبقه على أي مهارة نفسك تتعلمها ، لازم يكون عندك فكرة مبدئية عن المهارة دي ودور كتير على كورسات مجانية قبل ماتروح للمدفوع وخليك عارف ان اي مجال في العالم موجود له محتوى مجاني بس انت اتعب نفسك ودور وماتسمعش للنصابين ولا الأكاديميات والكلام الفاضي دا.
حافظ على فلوسك
ايه الفرق بين الكورسات المجانية و الكورسات المدفوعة؟
الكورس المجاني للمبتدئين ، هيعرفك كل الاساسيات والمفاهيم عن الادوات المالية سواء اسهم أو عملات رقمية أو عملات اجنبية وازاي تبدأ فيهم وايه الخطوات الأساسية المطلوبة منك عشان تبقى متداول ناجح وازاي تعمل حساب وخطوات الايداع والسحب وازاي تختار البروكر المناسب ليك والاهم من دا كله انه هيعرفك ازاي تشتغل في التداول بالطريقة المناسبة للشريعة ، باختصار الكورس المجاني هيشاورلك على الطريق ويخليك تاخد خطوة مهمة جدا وهي البداية.
اما الكورسات المدفوعة هي طريقك للاحتراف ، هي اللي هتكملك الطريق اللي مشيته في الأول ، هتتعلم أنواع مختلفة من التحليل و هتدرس قايمة كبيرة من الاستراتيجيات ، هتوصل لمستوى احترافي يخلي صفقاتك ناجحة بنسبة عالية جدا.
وطبعا لازم تكون عارف انك ماينفعش تشترك في اي كورس مدفوع غير لما تسمع المجاني الاول لان الكورسات المدفوعة من غير المجاني عاملة زي السقف من غير عمدان ، لو قررت تشتري كورس مدفوع من غير ماتسمع الكورس المجاني او على الاقل تكون ملم بكل اساسيات الاداة المالية فانت كدا بتحكم على نفسك بالفشل قبل ماتبدأ
هل الكورس بتاعكوا المجاني هيخليني اشتغل واجيب فلوس؟
ولا الكورس بتاعنا ولا الكورس بتاع اي حد هيخليك تجيب فلوس ، ولا المجاني ولا المدفوع كمان ، الفلوس مش هتجيلك طول ما انت حاطط في دماغك ان مجرد كورس او غيره هما اللي هيخلوك تشتغل وتعمل ارباح كل يوم.
الشغل بييجي بتوفيق وكرم من ربنا ، وبعد كدا في شوية حاجات لازم لازم تعملهم
- تدرس وتجتهد وماتكروتش ، لازم تدي لكل حاجة حقها
- تتعب في جمع المعلومات والتطبيق العملي
- الاستمرارية ثم الاستمرارية
- التطوير المستمر
- الصبر ثم الصبر ثم الصبر
فالموضوع مش في كورس او اتنين او عشرة ، الموضوع مرتبط بشغلك انت واهتمامك بالمهارة اللي عايز تتعلمها مش التداول بس.
لو انت مبتدئ في التداول وعايز تشترك معانا تعمل ايه؟
- هتسمع الكورس المجاني للاداة المالية على اليوتيوب أو هنا على الموقع من قسم الدورات عشان تبقى ملم بكل الأساسيات
- خلص الكورس وتابع معانا على القناة المجانية بحساب تجريبي عشان تتدرب على دخول الصفقات والتعامل مع التوصيات "حاول تطول في فترة التدريب عشان تاخد خبرة وتزود من نسبة نجاح صفقاتك ويفضل فترة التدريب تكون من 3 لـ 6 شهور وكله على حسب وقتك"
- أثناء فترة التدريب تواصل معانا على التيليجرام واسأل في أي حاجة تقف معاك واسأل عن معنى كل كلمة بتنزل على القناة المجانية وافهم التوصيات كويس @Ahmed_TFT او @Ibrahim_TFT أو @NOYAN_TFT
- قيم نفسك كل شهر وشوف نسبة نجاح صفقاتك (صفقاتك اللي بتدخلها من توصياتنا المجانية مش صفقاتك اللي بتدخلها مع نفسك) وبناءاً عليه تقرر هتشترك معانا ولا هتستنى شويه.
وخد بالك : لما بقولك اسمع الكورس المجانى مش شرط يكون الكورس بتاعنا انت ممكن تسمع أي كورس تفضله سواء عندنا أو من اي شخص تاني تكون بتفهم منه ويكون عامل كورس ملم بكل الأساسيات زي اللي احنا عاملينه والأهم يكون مجاني عشان ماتدفعش فلوس في حاجة لسه مش عارف هتكمل فيها ولا لأ.
خلاص انت عملت كل الخطوات دي وقررت تشترك:
- ماتبدأش بمبلغ أقل من 200 دولار ودي نصيحة عامة سواء معانا أو مع غيرنا وكل ما المبلغ يكون أكبر نسبة نجاح صفقاتك هتكون أعلي بكتير ، ولو مش معاك 200 دولار فنصيحتي انك تستنى لما يتوفر معاك اما لو انت مصمم تبدأ بأقل من 200 يبقى خليك حذر وماتطمعش وماتستعجلش واياك ثم اياك تبدأ بأقل من 100 دولار وتكون حاطط امل كبير انك تكسب "كدا يبقى اسمه اهدار للوقت والمال"
- لما تشترك ماتبدأش بحساب حقيقي من أول يوم ، جرب التوصيات على حساب تجريبي لمدة اسبوع أو 3 ايام على الأقل ؛ هتقولي كدا هضيع فترة من الاشتراك ! هقولك عشان كدا انا بنصحك ماتبدأش باشتراك شهر حاول تشترك في باقة ال 3 شهور ، دي تعتبر الباقة الانسب ليك كمبتدئ وهيكون عندك فرصة تجرب التوصيات وهتوفر معاك كتير وطبعا لو مش متوفر معاك غير اشتراك شهر واحد مفيش مشكلة ابدأ وخلي فترة التجربة يوم واحد بس.
لو انت قررت ماتعملش أي خطوة من دي وعايز تشترك علطول من غير تعليم احنا طبعا مش هنمنعك من الاشتراك بس صدقني مش هتستفيد حاجة وهتخسر فلوسك سواء اشتركت معانا أو مع غيرنا ، انا عارف ان الكلام دا ماحدش هيقولهولك في اي مكان تاني لان الكل اهم حاجة عنده انك تدفع الاشتراك اما احنا هنا أهم حاجة عندنا هي مصلحتك.
هو انا لو اشتركت معاكم هحقق ربح كام؟
هو ممكن اخسر بعد ما اشترك في القناة الخاصة؟
لو اشتركت معاكم وبدأت بمبلغ كذا هقدر احقق ربح كذا بعد كام يوم او كام شهر؟
هو انت بتضمنلي الربح بعد ما ادخل معاك؟
هو نسبة الربح كام؟
دا حرفيا اكتر سؤال بنتسأله واكتر سؤال بنكرهه واكتر سؤال اجابته مابتعجبش حد ، لان اللي بيسأل السؤال دا بيبقي عامل حسابه على اجابة معينة عايز يسمعها ولو سمع الحقيقة بيتصدم ويمكن مايكملش كلام معانا.
ايه بقي الحقيقة؟
الحقيقة ان انا لو ضمنتلك ربح معين او حددتلك مبلغ معين تكسبه كل شهر يبقي حرام عليا وعليك ؛ ضمان الربح قولاً واحد لا يجوز "دي كده وجهة النظر الشرعية واللي بالمناسبة هي الاهم ولو مفيش سبب غيرها يمنع ان احنا نضمنلك ربح برضوا كنا هنلتزم بيها"
تعال بقى اقولك الاجابة اللي بتزعل هو انت مش ممكن تيجي اخر الشهر او الاسبوع تلاقي نفسك خسران ، ودا وارد جدا طبعا وحصل كتير وبيحصل وهيفضل يحصل لان دا طبيعة أي مجال في الدنيا " مكسب وخسارة " ليه بقى انت بتفترض المكسب وعايز تحسبه بالسنت ومش عايز تفترض الخسارة.
وعايزك تعرف ان اي حد يقولك ادفع مبلغ كذا وفي اخر الشهر استلم مني ضعف المبلغ او رقم معين كربح لازم تعرف انه نصاب وانا متأكد ان 60 او 70 % من اللي بيقروا كلامي اتعرضوا لحالة النصب دي قبل كده واتحدى اي حد يجيبلي شخص واحد بس قاله الكلام دا والمحصلة كانت ربح أو كانت تعادل حتى لان مابيقولكش كدا غير النصابين.
خدها قاعدة كدا "اللي يحدد لك الربح قبل مايشتغل نصاب"
طيب لما احنا مش ضامنين اي حاجة كدا ليه بنقدم نفسنا كخبراء في المجال وليه بنقدم كورسات وتوصيات ؟
احنا الحمد لله فعلا بقالنا سنين كتير في المجال والمختصين عندنا حققوا وبيحققوا ارباح مناسبة جدا لالتزاماتهم فاحنا بنحاول ننقل خبرتنا للناس بدون فلسفة وبدون استعجال واهم حاجة بدون طمع.
وزي ماقولتلك المجال مكسب وخسارة ولكن الحمد لله بخبرتنا بنقدر نتجنب الخسارة بنسبة كبيرة فاقدر اقولك انك لو التزمت معانا بكل التعليمات سواء اللي بنقولها في الكورسات أو في قنوات التوصيات من غير طمع ومن غير استعجال هتقدر تتجنب الخسارة ونحقق ربح كويس مع بعض.
المحصلة في نهاية الشهر هتبقي ربح بإذن الله.
الخطة التعليمية للأسهم؟
احنا بنوفر محتوى تعليمي مجاني للمبتدئين ومحتوى مدفوع للاحتراف
دا رابط الكورس المجاني على اليوتيوب او ممكن تشوفه هنا على الموقع
وحضرتك بتسمع الكورس هتبدأ تطبق عملي على حساب تجريبي ودي تعتبر اهم خطوة لان من غير التدريب والتطبيق يعتبر ماعملناش حاجة وطبعا احنا هنبقى معاك دايما علي التيليجرام والواتس اب لو في اي استفسار بخصوص الكورس او لو في حاجة مش واضحة في الشرح.
يفضل التواصل على التيليجرام @Ibrahim_TFT أو @NOYAN_TFT
رقم الواتس اب 01068082819
لو حضرتك خلصت الكورس المجاني تقدر تسأل على المحتوى المدفوع الموجود على الموقع
متوفر كورسات احترافية وخدمات على أعلى مستوى متاحة هنا على الموقع وتقدر تبص عليها وتشوف نبذة مختصرة عن كل كورس أو خدمة وتعرف اسعارها.
الخطة التعليمية للعملات الرقمية؟
احنا بنوفر محتوى تعليمي مجاني للمبتدئين ومحتوى مدفوع للاحتراف
دا رابط الكورس المجاني على اليوتيوب او ممكن تشوفه هنا على الموقع
كورس تعليم تداول العملات الرقمية
وحضرتك بتسمع الكورس هتبدأ تطبق عملي على حساب تجريبي ودي تعتبر اهم خطوة لان من غير التدريب والتطبيق يعتبر ماعملناش حاجة وطبعا احنا هنبقى معاك دايما علي التيليجرام والواتس اب لو في اي استفسار بخصوص الكورس او لو في حاجة مش واضحة في الشرح.
يفضل التواصل على التيليجرام @Ibrahim_TFT أو @NOYAN_TFT
رقم الواتس اب 01068082819
لو حضرتك خلصت الكورس المجاني تقدر تسأل على المحتوى المدفوع الموجود على الموقع
متوفر كورسات احترافية وخدمات على أعلى مستوى متاحة هنا على الموقع وتقدر تبص عليها وتشوف نبذة مختصرة عن كل كورس أو خدمة وتعرف اسعارها.
الخطة التعليمية للفوركس؟
احنا بنوفر محتوى تعليمي مجاني للمبتدئين ومحتوى مدفوع للاحتراف
دا رابط الكورس المجاني على اليوتيوب او ممكن تشوفه هنا على الموقع
وحضرتك بتسمع الكورس هتبدأ تطبق عملي على حساب تجريبي ودي تعتبر اهم خطوة لان من غير التدريب والتطبيق يعتبر ماعملناش حاجة وطبعا احنا هنبقى معاك دايما علي التيليجرام والواتس اب لو في اي استفسار بخصوص الكورس او لو في حاجة مش واضحة في الشرح.
يفضل التواصل على التيليجرام @Ibrahim_TFT أو @NOYAN_TFT
رقم الواتس اب 01068082819
لو حضرتك خلصت الكورس المجاني تقدر تسأل على المحتوى المدفوع الموجود على الموقع
متوفر كورسات احترافية وخدمات على أعلى مستوى متاحة هنا على الموقع وتقدر تبص عليها وتشوف نبذة مختصرة عن كل كورس أو خدمة وتعرف اسعارها.
بعد ما اسمع الكورس المجاني هبقى واصل لحد فين؟
ايه اللي هستفيده من الكورس المجاني؟
مبدئياً خليني اقولك ان أي كورس بخصوص مجال التداول حرفيا مالوش لازمة من غير الكورس المجاني للاداة المالية ، يعني ماتفكرش تسمع أي كورس تاني سواء مجاني أو مدفوع قبل ماتسمع الكورس دا بالكامل
تعرف تبني السقف من غير عمدان!! اهو الكورس دا هو العمدان
تعال بقى اقولك الكورسات المجانية اللي بنقدمها للادوات المالية المختلفة سواء أسهم أو فوركس أو عملات رقمية هيوصلك لفين بالظبط:
- هتعرف يعني ايه فوركس أو عملات رقمية أو أسهم على حسب الكورس اللي حضرتك بتشوفه وايه هي الجهات المشكلة للأسواق دي ويعني ايه العرض والطلب
- هتعرف ازاي بتتم عملية البيع والشراء داخل السوق
- هتعرف كل المصطلحات اللي بتسمعها في سوق الاداة المالية ومش عارف معناها ، زي المصطلحات الاساسية في كل اداة مالية وزي الرافعة المالية وزي الهامش والمارجن والبيع على المكشوف ، كل دا انت هتعرف معناه بالتطبيق العملي والأمثلة
- هتتعرف على أنواع الوسطاء أو الـ Brokers للأداة المالية وهتتعلم ازاي تختار الوسيط المناسب
- والأهم من دا كله انك هتعرف الحكم الشرعي الخاص بكل جزء مشروح في الكورس زي حكم التداول في للاداة المالية والآراء الشرعية في الرافعة المالية وخطوات البحث عن بروكر متوافق مع الشريعة الإسلامية ؛ كل دا هنتكلم عنه بالتفصيل الممل لان دي نقطة مهمة جداً
- هتتعرف على برنامج أو منصة التداول خطوة بخطوة من أول تحميل وتثبيت البرنامج لحد دخول الصفقات والتعامل معها وحجز الأرباح " سواء على الكمبيوتر أو الموبايل "
- هتتعرف على برنامج تريدنج فيو " Tradingview " بالتفصيل وايه الفرق بينه وبين المنصات الخاصة بالبروكرز
- هتعرف يعنى ايه تحليل وتتعرف على أنواع التحليلات المختلفة وتشوف التحليل المناسب ليك
- هتدرس أهم العناصر الأساسية لتجنب المخاطر وإدارة رأس المال
- هتعرف يعني ايه توصيات وازاي تستخدمها بالطريقة الصحيحة
- هتعرف جميع طرق الايداع والسحب الممكنة وازاي تستخدمها من الصفر ، زي البطاقات الائتمانية والبنوك الإلكترونية ومحافظ العملات الرقمية والتحويلات البنكية
- هتتعرف على مجال وساطة البنوك ويعني ايه وسيط مالي وامتى تحتاجه
كل النقاط اللي فاتت دي مشروحة بتفصيل ممل جدا جدا وعليهم كورس التحليل الفني هدية مجانية من القناة.
وبأكدلك انك مش هتلاقي حد يشرحلك الأدوات المالية سواء تداول الاسهم أو الفوركس أو العملات الرقمية بالطريقة دي وخصوصاً في السوق العربي لدرجة انك لو جيت تسأل الدعم عندنا عن إجابة أي سؤال مش هيعرف يوضحهالك زي ما مشروحة في الكورسات.
علشان كدا يفضل قبل ماتسأل عن أي حاجة مش فاهمها في السوق شوف الكورس لأنك كدا هتضيع وقتك على الفاضي في الأسئلة وهتتوه من كتر الإجابات
طب انا برضوا مش عايز اسيبك تتوه لوحدك وانت بتسمع الكورس فهقولك تعمل ايه بالظبط
- اسمع الفيديوهات بالترتيب من غير ما تفوت ولا دقيقة
- اكتب كل كلمة بتسمعها ودون ملاحظاتك
- أي جزئية فيها تطبيق عملي لازم تطبق وانت بتسمع وتكرر التجربة كتير لحد ماتتمكن
- أي حاجة مش واضحة من أول مرة عيدها تاني وتالت وتأكد انها هتوضح ودي نصيحة عن تجربة
- ماتستعجلش وانت بتسمع وخد وقتك في كل فيديو
- انت مش دافع فلوس وهتضيع عليك ولا الكورس هيتحذف ومش هتلاقيه ولا عمره هيكون مدفوع فخد وقتك وخد قرارك على أقل من مهلك
- سمعت اول فيديو واتنين وتلاتة ولقيت ان الاداة المالية دي أو المجال دا عامة مش مناسب ليك لأي سبب من الأسباب سواء سبب شرعي أو مادي أو ماعندكش وقت له 🙆 ولا أي حاجة ولا تزعل نفسك ، انت مادفعتش فلوس ولا اشتركت مع حد ولا خسرت جنيه واحد ، وعلى فكرة في مقدمة الكورس احنا مأكدين على الجزئية دي
- ماتخلصش الكورس في أقل من شهر لأنك كدا هتبقى بتكروت و ما تطولش عن 3 شهور لانك كدا هتبقى بتدلع وبرضوا كله على حسب وقتك
- اتدرب كتير أوي أوي أوي وخد وقتك في التدريب والتجريب والتطبيق العملي لأن دي أهم مرحلة ودي اللي هتوصلك للخبرة
- خلصت ومحتاج تعرف هتعمل ايه بعد كدا 🤔🤔 طب واحنا روحنا فين ، ما انا لسه قايلك فوق مش هسيبك ، كل اللي هتعمله انك هتبعتلنا رسالة هنا أو هنا وتقول بس انك خلصت الكورس وهنبعتلك باقي الخطة أو لو عايزها من دلوقتي اطلبها