دورات العملات الرقمية

الدورات المجانية

جميع الدورات المجانية

كورس تداول العملات الرقمية

العملات الرقمية من اكتر الاسواق اللي فيها فرص كبيرة جدا من البيتكوين والإيثيريوم للعملات الجديدة اللي بتقدم فرص مبتكرة ، السوق مليان فرص ممكن تغير حياتك ، في نفس الوقت هي من اخطر المجالات اللي ممكن تتعرض لخساير مش تقدر تتخيلها وعمليات نصب كتيرة جدا ، لذلك ضروري انك تفهم كل جوانب المجال قبل البدأ فيه. في كورس تداول العملات الرقمية المجاني ، هنتعلم من الصفر كل حاجة عن التداول في العملات الرقمية ، من الأساسيات لحد الطرق العملية للتداول ، مع تغطية شاملة لكل الجوانب اللي تخليك فاهم المجال كويس ، سواء كنت مبتدئ أو عندك خبرة بسيطة.

37 دروس
مجاني

كورس التحليل الفني

التحليل الفني هو واحد من الأساسيات اللي مينفعش يستغنى عنها أي حد داخل عالم التداول، لأنه المفتاح لفهم حركة الأسواق واتخاذ قرارات مدروسة. عشان كدا، في الكورس ده، هنشرح كل أساسيات التحليل الفني خطوة بخطوة، بطريقة بسيطة وسهلة بعيدًا عن أي تعقيدات أو تفاصيل مش مهمة. الهدف إنك تطلع من الكورس فاهم الأساسيات بشكل واضح وتقدر تطبقها عمليًا بكل ثقة، علشان تساعدك في بناء استراتيجية تداول ناجحة وتحقق أهدافك في السوق.        

29 دروس
مجاني

الدورات المميزة

جميع الدورات المميزة الخاصة بالعملات الرقمية

الخطة الكاملة لاحتراف التداول

في القسم ده هتلاقي الخطة التدريبية الكاملة اللي اتصممت مخصوص علشان تخلّيك تمشي بخطوات واضحة وثابتة لحد ما توصل لمستوى احترافي في التداول، سواء كنت مهتم بسوق الأسهم أو العملات الرقمية. الخطة دي مش معمولة علشان تتفرّج وخلاص…دي معمولة علشان تدرّبك وتجهزك من أول الطريق لحد ما تبقى متداول فاهم بيعرف يشتغل بإيده وياخد قراراته بنفسه. كل فيديو في الخطة مترتب بترتيب منطقي، وورا كل فيديو في خطوة لازم تطبقها.هتتعلم إزاي تختار الاستراتيجية المناسبة ليك، وإزاي تحدد نقطة الدخول والخروج، وتحط ستوب لوس وتأمّن أرباحك، وتحجم العمليات وتدير المخاطرة، وتسجّل بياناتك بشكل منظم علشان تقدر تراجع أداءك وتطوّر منه. والأهم من كده، إن الخطة دي هتربطك بباقي المحتوى اللي بنقدمه، سواء فيديوهات الشرح العملي، أو الاستراتيجيات اللي احنا بنستخدمها فعليًا، أو حتى اللايفات والصفقات اللي بنشاركها معاك كل أسبوع. باختصار…لو التزمت بالخطة دي زي ما هي، وبدأت تطبّق كل خطوة فيها، هتتفاجئ بنفسك بعد شهرين أو تلاتة، وهيكون عندك طريقة واضحة بتشتغل بيها، وبتعرف تتصرف تحت الضغط. النجاح في المجال ده مش محتاج إنك تكون أذكى واحد…المجال محتاج إنك تكون أكتر واحد ملتزم ومثابر…فابدأ من هنا، وخلّي الخطة دي تكون أول خطوة حقيقية في مشوارك كمحترف.

26 دروس
للمشتركين فقط

استراتيجيات فعالة لمختلف الاسواق

في القسم ده جمعنالك كل الاستراتيجيات اللي بنستخدمها فعليًا في الاسواق المختلفة، سواء في التداول اليومي أو على المدى المتوسط والطويل. كل استراتيجية هنا مش مجرد فكرة نظرية، لكن تم تجربتها واستخدامها في صفقات حقيقية. بنحدث القسم ده باستمرار وكل فترة بنضيف استراتيجيات جديدة أو تطويرات على الأدوات اللي بنستخدمها، عشان دايمًا تلاقي معانا حاجة تفيدك وتطور من مستواك. المهم قبل ما تبدأ، تتأكد إنك مريت على الأساسيات الموجودة في خطة التدريب، لأن أي استراتيجية من غير فهم كويس للأساسيات، مش هتوصلك للنتيجة اللي بتدور عليها. خليك دايمًا متابع جديد القسم، وابدأ بالتطبيق العملي، وسجّل تطورك وشاركنا أسئلتك وتجاربك جوه مجتمعنا الخاص بالتدريب.

14 دروس
للمشتركين فقط

كورس العملات الرقمية المتكامل

العملات الرقمية من اكتر الاسواق اللي فيها فرص كبيرة جدا من البيتكوين والإيثيريوم للعملات الجديدة اللي بتقدم فرص مبتكرة ، السوق مليان فرص ممكن تغير حياتك ، في نفس الوقت هي من اخطر المجالات اللي ممكن تتعرض لخساير مش تقدر تتخيلها وعمليات نصب كتيرة جدا ، لذلك ضروري انك تفهم كل جوانب المجال قبل البدأ فيه. في كورس العملات الرقمية ، هنتعلم من الصفر كل حاجة عن العملات الرقمية ، من الأساسيات لحد الطرق العملية للاستثمار والتداول ، مع تغطية شاملة لكل الجوانب اللي تخليك فاهم المجال كويس ، سواء كنت مبتدئ أو عندك خبرة بسيطة. إيه اللي بيميز الكورس ده؟ شرح شامل ومبسط: هنتكلم عن كل التفاصيل الأساسية بأسلوب سهل ومبسط ، علشان أي حد مهما كان مستواه يقدر يفهم بسهولة. تغطية كاملة: الكورس ده بيغطي مش بس التداول والاستثمار، لكن كمان معظم المجالات والمصطلحات الخاصة بالمجال ، مع شرح عملي لكل الطرق المتاحة. تحديث مستمر: الكورس بيتم تحديثه باستمرار علشان يواكب كل التطورات الجديدة في المجال ، يعني مهما حصل في السوق ، هتلاقي نفسك دايمًا جاهز. تقسيم منطقي وواضح: الكورس متقسم لعدة أقسام تناسب كل المستويات ، وبيضمن إنك مش بس تفهم النظرية ، لكن كمان تطبقها عمليًا. ليه الكورس ده مهم ليك؟ العملات الرقمية مش مجرد استثمار ، ده مجال ممكن يفتح ليك أبواب جديدة في حياتك. بس لو دخلت المجال ده من غير فهم ، هتبقى عُرضة للمخاطر والخساير. الكورس ده مش بس هيساعدك تفهم العملات الرقمية ، لكنه هيخليك قادر تحلل السوق وتاخد قرارات مبنية على فهم عميق وثقة. سواء كنت عايز تتداول بشكل يومي ، أو تستثمر على المدى الطويل ، أو حتى تتعلم عن الاكتتابات ، الكورس ده مصمم علشان يديك الأدوات والمعرفة اللي تحتاجها.

53 دروس
175 دولار أمريكي 349 دولار أمريكي

كورس العرض والطلب | أساس فهم حركة الاسواق

عمرك سألت نفسك قبل كدا إيه اللي بيحرك الأسعار في الأسواق المالية؟ ليه الأسهم أو العملات بتصعد أو تهبط؟ السر ببساطة هو "العرض والطلب". كل عملية بيع أو شراء بتحصل في الأسواق ناتجة عن قوى العرض والطلب ، واللي بتتحكم في كل حركة على الشارت. علشان كده فهم العرض والطلب مش مجرد معرفة عابرة، ده أساس نجاح أي متداول عايز يفهم السوق بعمق. في كورس العرض والطلب هنقدم لك رحلة شاملة تبدأ من الفهم البسيط لمفهوم العرض والطلب سواء في الاسواق المالية او حتى حياتنا اليومية ، لحد التطبيق العملي اللي يخليك قادر تحدد بنفسك مناطق العرض والطلب بشكل دقيق على الشارت، سواء كنت متداول مبتدئ أو محترف ، الكورس ده مصمم علشان يبني ليك أساس قوي تعتمد عليه في كل خطوة في مشوارك. إيه اللي بيميز الكورس ده؟ شرح بسيط وعملي: مش هنغرقك في نظريات معقدة ، هنشرح مفهوم العرض والطلب بأسلوب بسيط جدًا، وبأمثلة من الحياة اليومية والأسواق المالية. تطبيق عملي على الشارت: هتتعلم مش بس نظري، هتشوف بنفسك إزاي ترسم مناطق العرض والطلب على الشارت بمختلف الطرق ، وتحدد النقاط القوية اللي ممكن تستخدمها للدخول والخروج من الصفقات. تجربة واقعية: مش هنقولك اعمل كذا وكذا وخلاص ، هنعلمك تفكر بنفسك وتفهم السوق بعمق علشان تكون قراراتك نابعة من فهم حقيقي مش مجرد تقليد. مصمم لكل المستويات: سواء كنت لسه مبتدئ أو عندك خبرة سابقة ، الكورس متقسم بشكل منطقي يناسب الجميع ويضمن استيعاب كامل للمفاهيم. ليه الكورس ده مهم ليك؟ العرض والطلب مش مجرد مصطلح ، ده المحرك الأساسي لأي سوق مالي. وبدون فهم العرض والطلب والمناطق دي على الشارت ، هتفضل تعتمد على الحظ أو استراتيجيات الآخرين اللي مش دايمًا تناسبك. الكورس ده مش بس بيعلمك الأساس ، لكنه بيبني ليك طريقة تفكير تحليلية تخليك جاهز تتعامل مع أي سوق وأي حركة سعرية بثقة.

9 دروس
للمشتركين فقط

كورس SMC | شرح شامل للمنهج

الـ SMC أو مفهوم الأموال الذكية بقى واحد من أكتر المفاهيم انتشارًا في عالم التداول. دايمًا كنت بتسمع عن تحركات السوق ، لكن هل فكرت قبل كدا مين اللي بيحرك السوق فعلًا؟ الإجابة هي المؤسسات المالية الكبيرة زي البنوك وصناديق الاستثمار ، واللي بيطلق عليهم في المنهج بتاعنا “الأموال الذكية”. الهدف من مفهوم الـ SMC هو إنك تفهم إزاي المؤسسات دي بتشتغل وتستغل الفرص اللي بيخلقوها في السوق. في كورس الـ SMC ، هنتعلم إزاي نتابع تحركات الأموال الذكية ، وهنفهم السوق من منظور جديد تمامًا. مش بس كده ، الكورس معمول بأسلوب بسيط ومنظم يناسب كل المستويات ، من المبتدئين لحد المحترفين. إيه اللي بيميز الكورس ده؟ شرح مبسط ومباشر: هنشرح كل حاجة عن مفهوم الأموال الذكية بأسلوب سهل بعيد عن التعقيد. تطبيق عملي: الكورس مليان أمثلة عملية وتحليل حقيقي لتحركات السوق ، علشان تقدر تطبق اللي بتتعلمه مباشرة. شامل لكل الأسواق: سواء كنت بتشتغل في الفوركس ، الأسهم ، أو العملات الرقمية ، الـ SMC بيناسب كل الأسواق. ليه الكورس ده مهم ليك؟ في عالم التداول، إنك تتابع المؤسسات المالية وتفهم تحركاتها مش مجرد رفاهية ، ده أساس النجاح. مفهوم الـ SMC بيمنحك منظور جديد يخليك تفكر زي المحترفين بدل ما تكون متداول عشوائي. الكورس ده مش بس بيعلمك النظرية ، لكنه كمان بيخليك تطبق وتفهم السوق بشكل عملي.

32 دروس
للمشتركين فقط

قائمة برنامج GannZilla

برنامج الجانزيلا واحد من البرامج اللي عليها كلام كتير جدًا في عالم التداول ، وكتير من المتداولين ، خصوصًا المبتدئين ، بيعتبروه أداة سحرية للتحليل الرقمي والفلكي. لكن الحقيقة إن البرنامج مش مجرد أداة عشوائية ، هو وسيلة بتقدم أدوات مميزة لتحليل الأسواق بناءً على أفكار وتطبيقات "جان". القائمة دي معمولة علشان تشرح لك كل تفاصيل البرنامج ، من الأدوات المتوفرة فيه لحد الاستراتيجيات اللي ممكن تعتمد عليها. بس في نفس الوقت ، إحنا حابين نوضح لحضرتك إننا ما بنعتمدش على التحليل الفلكي أو أي أدوات ليها شبهة شرعية ، وبدل كده بنركز على التحليل الرقمي فقط. إيه اللي بيميز القائمة دي؟ تحديث مستمر: القائمة بتتحدث بشكل مستمر لإضافة أي استراتيجيات جديدة أو تحسين الشروحات الموجودة. نظرة حيادية: بنوضح بكل صراحة إننا مش بنعتمد على الجانزيلا ، لكن بنشارك الشروحات بناءً على طلب المستخدمين وبطريقة موضوعية. ليه القائمة دي مهمة ليك؟ برنامج الجانزيلا مشهور بين المبتدئين لأنه بيقدم خطوات بسيطة وسهلة للتحليل ، لكنه مش الحل السحري زي ما ناس كتير بتعتقد. القائمة دي بتساعدك تفهم الأدوات والاستراتيجيات بوضوح ، وتعرف إزاي تطبقها بشكل عملي ، وكمان إزاي تختبرها بنفسك عشان تشوف لو كانت مناسبة ليك ولا لأ. رسالة أخيرة: القائمة دي معمولة بناءً على طلب كبير من المستخدمين ، لكن إحنا بننصح دايمًا إنك تكون حذر وتراجع أي استراتيجية قبل استخدامها. خليك دايمًا واقعي ومركز على تطوير أسلوبك الخاص بدل الاعتماد على أدوات جاهزة. مستنيك في أول فيديو من القائمة علشان تبدأ تتعرف على برنامج الجانزيلا بشكل كامل!

6 دروس
للمشتركين فقط