ازاي عملية البيع والشراء بتم في سوق الفوركس فضروري جدا انك تكون مركز في الفيديو ولو حسيت انك مش فاهم فتقدر تعيد الفيديو اكتر من مره لحد ما تستوعب كل حاجه.
زي ما عرفنا في الفيديوهات اللي فاتت اننا بنتداول علي ازواج من العملات كمثال زوج اليورو مقابل الدولار ولازم تكون عارف ان اي عملية بيع وشراء بتتنفذ علي العملة الاولي من الزوج.
يعني علي سبيل المثال لو لو قولنا اننا هنبيع زوج اليورو دولار فدا معناه اننا هنبيع اليورو مقابل شراء الدولار الامريكي ولو قولنا اننا هنشرتي زوج الباوند دولار فدا معناه اننا هنشتري الباوند مقابل بيع الدولار الامريكي ودا بردو معناه ان مفيش ازواج ينفع تكون عكس بعضها يعني مفيش زوج اسمه دولار مقابل اليورو لانك لو عايز تشتري اليورو فهتشتري زوج اليورو دولار ولو حابب تشتري الدولار فهتبيع زوج اليورو دولار.
وعلشان تعرف ازاي عملية الشراء بتتم لازم تعرف ان كل عملة لها سعر صرف خاص بيها مقابل العملة التانية وركز معايا في الامثله الجايه علشان تفهم اكتر.
كمثال سعر زوج اليورو دولار هو 1.1340 فبالتالي دا معنا ان اليورو الواحد بيساوي 1.1340 دولار امريكي علشان كدا لو حابينا نعرف عملية الشراء هنقول اننا لو اشترينا زوج اليورو دولار من عند المستوي 1.1340 والسعر بعد عملية الشرا ارتفع لـ 1.1350 بالتالي اليورو الواحد سعرة بقا 1.1350 دولار امريكي فالفرق في السعر دا هيكون هو الربح الخاص بينا.
وفي عملية البيع علي سبيل المثال بعنا زوج اليورو دولار من المستوي 1.1342 والسعر بعد عملية البيع انخفض لـ 1.1330 بالتالي الفرق دا هو الربح الخاص بينا وممكن تكون عايز تسال دلوقتي ان ازاي احنا بنقدر ننفذ عمليات البيع واحنا مش بنمتلك الحاجة فعلشان مش ادخلك في تفاصيل كتير دا ببساطة هو اللي بيوفره لك البروكر.
ومن الحاجات اللي لازم تكون عارفها بردو هي السبريد والسبريد هو فرق السعر بين عملية البيع والشرا ففي حالة لما كنا بنشتري زوج اليورو مقابل الدولار الامريكي كنا بنشتري من 1.1340 بس في حالة البيع كان السعر عند 1.1342 فهنا في فرق نقطتين بين عملية البيع والشراء ودا اسمه السبريد وبيكون عمولة البروكر او الوسيط اللي انت فاتح حساب معاه لان هو دا الطريقة اللي بيكسب منها.
بالاضافه انك لازم تعرف ان سعر الشراء بيطلق عليه اسم اسك والبيع بيطلق عليه بيد في الفيديو الجاي بقا هنعرف يعني اي نقطة ويعني اي حجم العقد.
https://youtu.be/7bLOm3AWJrc
