مفهوم النقطة وحجم العقد في تداول الفوركس بشكل مبسط

النقطة او البيب هي من اكتر المصطلحات اللي هتستخدمها وانت بتداول بشكل يومي والنقطة هي اصغر حركة للسعر ومن خلالها تقدر تعبر عن مدي حركة السعر وبتكون هي الرقم الرابع بعد العلامة العشرية في ازواج العملات.

فعلي سبيل المثال لو زوج اليورو دولار عند سعر 1.1342 بالتالي النقطة هي الرقم الرابع بعد العلامة العشرية اللي هو رقم 2 ولو افترضنا ان السعر اتحرك لـ 1.1346 فكدا معناه انه اتحرك 4 نقط او اربعه بيب.

بس لازم تعرف ان فازواج العملات اللي بيكون فيها الين اليباني فالنقطة بتكون هي تاني رقم بعد العلامة العشرية يعني علي سبيل المثال سعر الدولار الامريكي مقابل الين الياباني هو 114.234 بالتالي النقطة هي الرقم التاني بعد العلامة العشرية يعني رقم 3 ولو السعر اتحرك من 114.234 لـ 114.154 فكدا معناه انه اتحرك 8 نقط.

اما تاني حاجه معانا وهو حجم العقد او اللوت ودا بيحدد الكمية اللي انت هتشتريها من زوج عملات او سلعه معينه ومن خلال دا بيتم تسعير قيمة النقطة والنقطة وقتها بتعبر عن مبلغ مالي فبالتالي المبلغ المالي بيتم تسعيره بناء عن حجم العقد او اللوت.

وفي انواع من احجام العقد علي سبيل المثال في حجم العقد القياسي او الاستاندارد واللوت الواحد فيه بيساوي 10$ للنقطة وفي حجم العقد المصغر او الميني لوت واللوت الواحد فيه بيساوي 1$ للنقطة وفي حجم العقد الميكرو واللوت الواحد فيه بيساوي 0.10$ لكل نقطة.

وعلي سبيل المثال في حجم العقد القياسي لو اتحرك السعر 10 نقط ففحالة المكسب او الخسارة هيكون 100$ دا لو كنا داخلين بلوت 1 وفي حجم العقد المصغر او الميني لوت لو اتحرك السعر 10 نفقط ففحالة المكسب او الخسارة هيكون 10$ دا لو كنا بردو داخلين بلوت 1.

عشلان كدا لازم تكون عارف انواع احجام العقود علشان تساعدك في ادارة المخاطر لان لو رصيدك صغير مثلا مش ينفع تروح تدخل بلوت واحد قياسي لازم تقلل حجم العقد او تغير حسابك لحساب ميني او مايكرو.

وطبعا انت تقدر تفتح صفقات باجزاء من اللوت يعني مش شرط تفتح صفقة بلوت 1 بالعكس انت بتقدر تفتح الصفقة بداية من لوت 0.01 يعني النقطة هتساوي 0.10$ سنت وهكذا. 

ومعظم شركات الوساطة دلوقتي معادتش بتوفر حسابات الميكرو والميني لانه المعظم بيفتح الحسابات القياسية اللي هي الستاندارد.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Fill out this field
Fill out this field
الرجاء إدخال عنوان بريد إلكتروني صالح.
You need to agree with the terms to proceed

مشاركة

محتوى ذو صلة

القائمة