ايه هو نظام الهامش الهامش هو عبارة عن مبلغ بيتم حجزه من رصيد حسابك مقابل كل صفقة بتفتحها وبيتم حجزه من خلال البروكر اللي حضرتك بتتعامل معاه والسبب هنا ان البروكر او الوسيط عايز يحمي راس ماله اللي حضرتك بتستخدمه في الرافعة المالية وعلشان نفهم الموضوع اكتر فتعالي اوضحلك.
حضرتك لما بتفتح منصة التداول اللي هتشتغل عليها بتلاقي عندك 6 خيارات وهي البالانس بعد كدا الايكوتي والهامش والهامش المتاح اللي هو الرصيد المتاح والمارجن ليفل واخيرا البروفيت.
ونبدأ باول حاجة وهي البالانس ودا بيكون الرصيد الموجود في حسابك وليكن مثلا معانا ١٠٠٠ دولار وتاني حاجة هي الايكوتي ودي بتكون اجمالي قيمتك المالية بمعني لو انت فاتح صفقة وكسبانه ١٠٠ دولار فدا معناه ان اجمالي القيمة المالية هيكون الرصيد الخاص بيك اللي هو الف دولار زائد الصفقة المفتوحه كسبانة ١٠٠ دولار يبقا القيمة المالية هتكون ١١٠٠ دولار.
الخيار التالت هو الهامش ودا اللي احنا اتكلمنا عليه انه مبلغ بتحجزه الشركة مقابل كل صفقة بتفتحها وطبعا بيرجع لحسابك تاني بعد ما بيتم اغلاق الصفقة وليكن مثلا هو ٢٠٠ دولار ودا بيختلف علي حسب الصفقات اللي انت فاتحها والرافعة المالية المستخدمة.
ورابع حاجة هي الهامش المتاح ودا بيكون اجمالي قيمتك المالية ناقص الهامش يعني هيكون ٩٠٠ دولار ودا طبعا اللي بيسمحلك انك تفتح صفقات جديدة ولو وصل لصفر فهيجلك حاجة اسمها مارجن كول معني كدا ان حسابك اتصفر واي صفقة مفتوحة هتتقفل تلقائيا من خلال شركة الوساطة لانك طبعا خسرت راس مالك كله وطبعا شركة الوساطة بتوفرلك الرافعة المالية لكن مش بتشاركك لا في الخسارة ولا في الربح.
اللي بعد كدا هو المارجن ليفل ودا بيظهرلك اقصي نسبة بتسمحلك بيها شركة الوساطة انك تخسرها من حسابك وبتظهرهالك بالنسبة المؤية واخر خيار اللي هو البروفيت او الربح ودا بيعرفك سواء الصفقات اللي شغالة جايبالك ربح او خسارة كام.
ودا ببساطة كان شرح الهامش وكان ضروري طبعا اننا نتكلم عنه بشكل بسيط علما طبعا ان كل الحاجات دي بيتم حسابها وتحديدها تلقائيا من خلال منصة التداول.
https://youtu.be/Jojq0r9Sgdo
