ازاي عملية التداول بتتم وقبل ما نشرح ازاي عملية التداول بتم فضروري انك تركز في الفيديو دا جامد علشان تفهم كل حاجة. ولازم تعرف ان اي عملية تداول بتم من خلال ٣ مراحل وهما سوق التداول او الاكستشانج بعد كدا الوسيط او البروكر بعد كدا المنصة او البلات فورم.
خلينا نبدا بأول حاجة وهي سوق التداول وزي ما عرفنا في الفيديوهات اللي فاتت ان في اكتر من اداة مالية زي الاسهم والعملات والسلع فعلشان تقدر تشتري وتبيع الادوات دي فلازم سوق تتعرض فيه وبما اننا مهتمين بالفوركس والاداة المالية بتاعته هي العملات فالعملات دي بتتعرض في سوق التداول وكل العمليات دي بتتم من خلال الكمبيوتر وعلشان انت كمتداول تقدر تشتري وتبيع في سوق التداول فانت محتاج وسيط.
ودا ينقلنا للمرحلة التانية وهي البروكر واللي لازم تعرفه ان البروكر دوره انه يوصلك بسوق التداول فمينفعش تشتغل من غيره علشان كدا من اول الخطوات اللي بتاخدها علشان تشتغل هو انك تبحث عن بروكر مناسب والبروكر دا كل اللي انت عايزه منه انه يوصلك بسوق التداول وتحط عنده فلوسك اللي هتشتغل بيها وفي حالتنا احنا هنحتاج بروكر لتداول الفوركس لان طبعا بيكون في اكتر من بروكر لكل اداة مالية سواء عملات او اسهم او سلع.
وطبعا بما انك بتستفاد من البروكر وبيقدر يوصلك بالسوق علشان تفتح عمليات التداول بتاعتك فاكيد بردو هو بيستفاد منك والبروكر بيستفاد من خلال عمليات البيع والشرا اللي انت بتفتحها فهو بيكون له عمولة عليها ودا طبعا سواء في المكسب او الخسارة بالتالي هو ميهموش تخسر او تكسب لانه في كلا الحالتين بياخد العمولة بتاعته هو كل اللي يهمه انك تفتح اكبر عدد من عمليات التداول.
ونيجي بقا للمرحلة الاخيرة وهي المنصة او البلاتفورم ودا البرنامج اللي انت بتداول من خلاله يعني بتعرض ازواج العملات عليه في حالة الفوركس وتفتح عمليات التداول بتاعتك سواء شرا او بيع واحنا في الفوركس بنستخدم برنامج الميتاتريدر ٤
https://youtu.be/E8gj29H3qWA
